வருவாரா? வரமாட்டாரா?

 

 

வரன் வருவார் வரன் வருவாரென

வாடிக்கிடக்கும் ஏழைப் பெண்டிரைப்போல்

கரன் வருவார் கரன் வருவாரென

தேடிக்களைத்த கோழைத் தம்பியரே நீரெழுவீர்

 

விலை விழும் விலை விழுமென

வீடு வாங்காமல்விட்ட பாவியரைப்போல்

தலை வரும் தலை வருமென

தவம்கிடக்கும் தம்பியரே நீரெழுவீர்

 

நிலை வரும் நல்நிலை வருமென

ஓயாமல் உழைக்கும் நம்கைபோல்

தலை வரும் தலை வருமென

காயாமல் தம்பியரே நீரெழுவீர்

 

எலி வரும் எலி வருமென

இருட்டறையில் பதுங்கும் பூனைபோல்

புலி வரும் புலி வருமென

பட்டறையில் தூங்கும் தம்பியரே நீரெழுவீர்

 

இருக்கிறார் அவர் இருக்கிறாரென

காசையிறைக்கும் இறைபக்தனைப்போல்

வருவார் அவர் வருவாரென

நாளைக்கழிக்கும் தம்பியரே நீரெழுவீர்

 

வருவாய்க்காய் சிலர் வருவாரென்பார்

பெருமைக்காய் சிலர் வருவாரென்பார்

தலைமைக்காய் சிலர் வருவாரென்பார்

விசுவாசத்தால் சிலர் வருவாரென்பார்

நற்பாசத்தால் சிலர் வருவாரென்பார்

 

ஆயுதம் கொண்டு பறைசாற்றினான் அண்ணன்

அறிவாயுதம் கொண்டு முரசாற்றடா தம்பி

வேலாயுதம் கொண்டு வீழ்த்தினான் எதிரியை

நாலாபுறமும் சென்று எழுப்படா தம்பி எழுச்சியை

 

நன்றி,

அ.பகீரதன்

நெல்சனே மீண்டும் பிறந்துவா தமிழனுக்காய்!

கருப்புச் சிங்கமொன்று-இன்று

காரிருளில் ஒளியுதடா

காலமெனும் படகேறி

கைகாட்டி மறையுதடா

 

நெல்சனெனும் பெயர்கேட்டால்

கல்மனசும் கரையுமப்பா

வெள்ளையனின் பள்ளியிலே-அது

அவன்பெற்ற பெயரப்பா

 

சட்டம் படித்ததானால்-வெள்ளையனின்

சட்டையை பிடித்தானப்பா

சட்டையைப் பிடித்ததனால்-சிறைச்

சட்டம்தான் கிடைத்ததப்பா

 

கருங்காலித் தடியொன்று

பெருங்காலம் சிறைகிடந்து

பெருங்குடல் சுருங்காமல்

வெளியாகி ஒளிதந்த கதையப்பா

 

பெருங்காலம் சிறைகிடந்தும்

அவனுடலுக்கிப் போகாமல்

அதுதாங்க முடியாமல்

அறைக்கம்பி தானுக்கிப்போன கதையப்பா

 

குருவி குளிக்கும் குளமென்று

காகத்திற்கு தடைவிதித்த கதையப்பா-அங்கு

சிறுஅறிவாளிச் சமூகமொன்று

பெருவாரிச்சனத்தை இரையாக்கிக்கொண்ட கதையப்பா

 

தடைவிதித்த அரசெல்லாம் பின்னாளில்

அவருக்கு குடைபிடித்த கதையப்பா

”ராஷ்கல்” என்ற நாவெல்லாம் பின்னாளில்

நோபல் பரிசுகொடுத்த கதையப்பா

 

சொல்லச் சொல்ல இனிக்குமடா

அவன் கதை-ஆனாலும்

நீளமாய்ப் போனால்

கவி உனக்கு கசக்குமடாதம்பி 

 

நெல்சனே மீண்டும் பிறந்துவா தமிழனுக்காய்!

 

நன்றி