காலம்

கடிகாரக் கணிப்பு

கருவறை முதல்

கல்லறை வரை

ஆயுளாகிறது.

வாழும் வருடங்களை

ஆயுளாக அழைக்கலாம்-ஆனாலும்

விழித்த நாட்களையே

ஆயுளாக அளக்கலாம்

காலம் கடந்தும்

ஞாலம் புகழ

வாழ்ந்த சிலரோ

காலஅருமை அறிந்தார்

யாரும் அறியா

வாழ்க்கை வாழும்

நம்மில் பலரோ

காலவிரயம் அறியார்

வாங்கிய அறுவையும்

தூங்கிய பொழுதும்

ஏங்கிய இரவும்

காலத்தின் சாபம்

உழைத்த நாளும்

உதவிய பொழுதும்

கற்கை காலமும்

காலத்தின் வரம்

காலம் என்பதும் மூச்சு

தொலைந்தால் போச்சு

எதற்கடா வீண்பேச்சு

எழுந்துநீ கோலோச்சு

காலம் என்பதும் மூலதனம்

முதலிட்டால் முழுலாபம்

முடங்கிவிட்டால் இல்லைலாபம்

தூங்கிவிட்டால் என்னலாபம்

காலம் என்பதும் கடவுள்

காண இயலாது கடஉள்-நீ

காலத்தை நேசித்தால்-உனை

கடவுள் நேசிப்பான்

          

மூவைந்து முதலாய்

மூபத்து வரைக்கும்

பொன்னான வயசு

கண்ணாக கருது

அந்த வயதில்……..

கேட்பார்புத்தி கெடுவார்

கெட்டசூழலில் நுழைவார்

வாளுக்குள் விழுவார்

வயசுக்குள் தொலைவார்

வறுமைக்குள்  சுழல்வார்

ராமனுக்கு பதினான்கு

நளனுக்கு ஏழரை

சிவனுக்கு ஒன்னரை

காலம்விழுங்கிய காலம்

போனவை போகட்டும்

பொங்கடா தோழா

முடிந்தவை நல்லவை

எழுந்திடு நண்பா

கழியட்டும் இவ்வாண்டு

களிப்புடனே புத்தாண்டு

காலத்தை கொண்டாடு

கட்டாயம் வென்றாகு

உங்கள் நேரத்திற்கு நன்றி.

நட்புடன்,

அ.பகீரதன்

வாழ்க்கை

வலியே வாழ்வென்று

வாடி கிடப்பதன்றி

வரமே வாழ்வென்று

ஓடி உருப்படடா

நிலையற்ற வாழ்வென்று

நிந்தனை செய்யாமல்

நித்தமும் உனதென்று

நித்திரையை வதைத்துவிடு

பணமே கேடென்பார்

பாலுணர்வு துன்பமென்பார்

துறவே சுத்தமென்பார்

கிடைத்தால் பல்லிழிப்பார்

உலகே சாபமென்பார்

உழைப்பில் மோகமற்றோர்

வாழ்வே சோகமென்பார்

வாழத் தாகமற்றோர்

தாமறிந்த உலகையே

தத்துவமாய் விட்டுசென்றார்

தாமிசைந்த வழிதனையே

தத்ரூபமாய் சொல்லிசென்றார்

தத்துவம் குப்பையடா

மொத்தத்தில் குழப்பமடா

வாழ்க்கை சொர்க்கமடா

வாழப்பல மார்க்கமடா

பிடித்தபடி நடந்துவிடு

பிறர்நோகா இருந்துவிடு

பிறர்நலமாய் வாழ்ந்துவிடு

பிறவிப்பயனை அடைந்துவிடு

பணத்தின் அருமையினை

பாதிவயதில் நீயறிவாய்

பணத்தை தேடுகையில்

மீதிவயதை நீதொலைப்பாய்

தேடிக்குவித்த செல்வம்

தேடாமல்குவிந்த செல்வம்

நாடாமல் இருந்துவிடு

நாளெல்லாம் வாழ்ந்துவிடு

கோடான வழியுண்டு

கோபுரமாய் நீவாழ

கேடான வழியெதற்கு

வாடாநீ வழியமைத்து

மூலதனம் இல்லையென்று

மூலையில் முடங்காமல்

மூளையை தனமாக்கி

முன்னேறு முடிந்தவரை

ஆயுதம் இல்லையென்று

அழுது ஆற்றாமல்

அறிவாயுதம் கொண்டு

ஆயத்தம் ஆகிவிடு

மனத்தை கட்டிவிடு

தினத்தை திட்டமிடு

சினத்தை விட்டுவிடு

தனத்தை வட்டமிடு

பணமே இலக்கு-அதை

மனமே விலக்கு

குறி இலக்கை-அங்கே

குவி அகத்தை

எதுவும் உனதில்லை-நம்மோடு

எள்ளும் வருவதில்லை

தினமும் இதைநினைத்து-அனு

தினமும் வாழ்ந்துவிடு

நன்றி.

நட்புடன்,

அ.பகீரதன்

கவிதைகள்

அள்ளிக்குவித்த எருக்கூட

ஐம்பதுரூபாய் நோட்டானது

எழுதிக்குவித்த கவியெல்லாம்

இன்று என்னானது?

சலிக்காது எழுதியகவியெல்லாம்

சல்லிக்காசு ஈட்டவில்லை

மல்லிகாக்கு எழுதியகவியை

சொல்லிக்க யாருமில்லை

விசார மனசுகொண்டு

வீணான கனவுகண்டு

வீணாவுக்கு வடித்தகவியெல்லாம்

வீணான கதையாரறிவார்?

காசி பிறந்தமண்ணில்

கவிஎழுத நாதியில்லை

புதுவை பூத்தமண்ணில்

எதுகை மோனையில்லை

பாரதியின் கவிதைகளை

பாதியிலே தூங்கவிட்டு

வாலியின் வரிகளிலே

ஜாலியாய் தூங்குவதோ?

மானிடம் வளர்த்த

கவியின்று-சினி

மாவிடம் கிடக்குதே

சிக்குண்டு

காதற் கவிபாடும்

பிழைப்புக் கவிஞனுக்கு

உழைக்கும்வழி தெரிகிறது-ஏனோ

உழைப்பின்வலி புரிவதில்லை

கழிவறை கழுவும் கடைநிலை பெண்ணுக்கும்

கருவறை தந்த அன்னையின் மண்ணுக்கும்

கல்லறை துயிலும் கார்த்திகைப் பூவிற்கும்

கற்றறிவாலே நற்கவிபாட வரமொன்று தாமுருகா
 

குறிதவறா கோலொன்று தாமுருகா

நெறிபிறழா வாழ்வொன்று தாமுருகா

வெறிகுறையா வேகமும் தாமுருகா

பார்புகழ படிப்பவர்நாபுகழ பாவொன்றுதாமுருகா

அன்பின் வழியொழுகி அதுவேமுடிவாகி

அனைத்தையும் நேசிக்கும் ஆளுமைதாமுருகா

உனையேநாடி என்இருப்பைத்தேடி முடிகண்டு

காலமெல்லாம் காதல்செய வரமொன்றுதாமுருகா

 

அ.பகீரதன்

வங்கி

வங்கியாளர்கள்

வாக்கிங்போக-ஏழையோ

வாங்கிய கடனுக்காய்

வங்கிக்கு அலைகிறான்

வங்கியில்...

வஞ்சியரோ சிரிப்புமுல்லை

வஞ்சகம் சூழ்ச்சியில்லை

வாயாராப் புகழ்ச்சியில்லை

வட்டியில் மட்டும் கறால்

வங்கி...

மனிதன்

திருடனுக்கு பயந்து

திருடனிடமே சரணடைந்த இடம்

வங்கியாளர்கள்......

அறம் தெரிந்த

அறா வட்டிக்காரர்கள்

சட்டப்படி சுரண்டும்

சக்ஸஸ் சண்டாளர்கள்

வங்கியாளர்கள்.....

கோட்சூட் போட்ட

கொள்ளையர்கள்

பாட்காட் உள்ள

வெள்ளையர்கள்

ஏழையின் சாபத்தையும்

வரமாக்கும் வல்லுனர்கள்

கஸ்ரமர்ஸ் கஸ்ரமர்ஸ் என்று

கஸ்ரப்படுத்த வல்லவர்கள்

திருப்தி திருப்தி என்று

திருட நல்லவர்கள்

வங்கிகள்

வசூலிக்கின்றன வட்டியோடு

வாடிக்கையாளனின் வயிற்ரெரிச்சலையும்

எழுத்தறிவிக்க பணமில்லை

சுட்ட பணமெல்லாம்

சும்மா சுவிஸ் வங்கியில்

குடிமகனுக்கு குடிநீரில்லை

தலைவர்கள் நிரப்புகிறார்கள்

நடிகையின் வங்கிக்கணக்கை

காந்திக்கும் காமராஜருக்கும்

வங்கிக்கணக்கு இல்லை-ஏழையின்

வயிற்றுக்கணக்கு புரிந்ததனால்

சுப்பனுக்கு வீசாகாட்

சும்மாயிருப்பவனுக்கும் கோல்ட்காட்

சுண்டல்காரிக்கும் சூப்பர்லோன்

சுரண்டுவது தினவட்டியை

வக்கீலுக்கும்

வக்கில்லாதவனுக்கும்

வங்கியிலே வாய்ப்பு

வட்டியிலோ ஏய்ப்பு

வங்கிகளும் வஞ்சிகளும் ஒரேரகம்

தமக்குத் தேவையென்றால் வழிவார்கள்

நமக்குத் தேவையென்றால் நழுவுவார்கள்

வங்கி மின்சாரம் போல

கையாளத்தெரிந்தால் கைலாபம்

கையாலாகாவிடின் கைலாசம்

ஏழையின்ன் கஸ்ரம் போக

வங்கியின் சிஸ்ரம் கிறாஸாக.....

கவனம்,

வங்கிகள்

கடைசிமூச்சுவரை

கருணைமனுவை ஏற்ப்பதில்லை.

 

நட்புடன்,

அ.பகீரதன்

தொலைபேசி

எல்லாமே விலைவாசி

எல்லோரிடமும் தொலைபேசி

செல்லில்லா வாசி

செல்லாக் காசாகி

மௌனத்தை மட்டுமே

தொலைபேசி இரசிக்கிறது...

சிவனுக்கு உடுக்கை

யமனுக்கு கயிறு

இவனு(ளு)க்கு தொலைபேசி

தொலைபேசி

இவளுக்கு மூன்றாம் மார்பு

இவனுக்கு ஆறாம் விரல்

தொலைபேசி

உடலோடு கட்டுண்ட

ஐந்தாவது உடை

தொலைபேசி

மனசோடு ஒட்டுண்ட

நவீன மச்சம்

முடிந்தவரை பேசுகிறான்

இருந்தும் வருந்துகிறான்

முடிவெட்டும் போது

முடியவில்லை என்று

மாட்டு வண்டியும் பஞ்சராகிறது

ஓட்டுனரிடம் செல் இருப்பதனால்

பத்துவயதிலே பருவமடைகிறாள்

பள்ளிப்பையினுள் செல் இருப்பதனால்

தொலைபேசி சிரிக்கிறது.....

உனக்கு பில்கட்ட

நானென்ன பில்கேட்ஷா-காதலன்

வக்கில்லை பில்கட்ட

வழியாதே பிளீஸ்-காதலி

தொலைபேசி அழுகிறது....

அடிக்கடி அழைக்காதே-காதலி

இடைக்கிடையாவது அழையடாமகனே-தாய்

தொலைபேசி சிணுங்குகிறது....

வீகெண்டிலும் படுபிஸியாம்

பேய்மென்ற்ரோ வெறி லோவாம்

தொலைபேசி சபிக்கிறது....

விபச்சாரியிடமும்- கழிவு

விலைபேசும் மனிதர்களை

தொலைபேசியில்...

ஊமைக் காதலியும்

ரெக்ஷ்ற் அனுப்புகிறாள்

பூசாரிக்கும் ஆர்டர் வருகிறது

தொலைபேசிக் காதலில்

தொலைந்து போனது காலம்

குலைந்துபோனது குடும்பம்

கையில் கடிகாரம்

காலம் மனிதனின் கையில்

கையில் தொலைபேசி

மனிதன் காலத்தின் கையில்

நட்புடன்,
அ.பகீரதன்

கார்த்திகைப் பூக்கள்

வலியை மையாக்கி

வலிமையை கையாக்கி

வடிக்கிறேன் கவியொன்று

வடிகிறது கண்ணீர்த்துளியொன்று
 

ஒருகையில் பூவொன்று

மறுகையில் பாவொன்று

விழிமூடி அழுகின்றேன்

வழிதேடி அலைகின்றேன்

தீபமேற்ற யாருமில்லை

தீயாய் எரிகிறது மனம்

பூ தூவ நாதியில்லை

புழுவாய் துடிக்கிறது மனம்

கடவுளுக்கு சமானமான

கார்த்திகைப் பூக்கள் எல்லாம்

காடையரின் காலடியில்
கசங்கிக் கிடப்பதென்ன

கைவிலங்கை உடைத்தெறிந்த

கார்த்திகைப் பூக்கள் எல்லாம்

காலடியில் வீழ்ந்த

காலத்தின் கோலமென்ன

யார்விட்ட சாபமோ

பார்செஞ்ச மோசமோ

கல்லறையெல்லாம் காகத்தின்

கழிப்பறையான கொடுமையென்ன

போருக்குத் துணிந்த புலிகளென்று

பாருக்குத் தெரிந்த பின்னும்

யாருக்குத் தேவையென்று

நோர்வேக்கு தலைசாய்த்தீர்

நேர்வேய் தெரியாத நோர்வே

நேர்மை அவனிடம் நோவேய்

பார்வை பிழையான நோர்வே

பாழாய் போனதே எம்வேய்

இந்தியத் தலையீடு இழுக்கு

எண்பதுகளில் தெரியுமே உமக்கு

ஈழம்தான் இறுதி இலக்கு

எப்படிப் பிசகியதோ உங்கள் கணக்கு

 

உலக மாற்றமென்று

உண்மை தோற்றிடுமோ

உலகப் பொருளாதாரமென்று

உழைப்பு தோற்றிடுமோ

 

எண்ணாடும்சேர்ந்து எண்திசையும்வந்து

ஏறிநின்று அடித்தபோதும்-எழுந்து நின்று

மறத்தமிழன் நாமென்று மார்புதனை கொடுத்தீரே-உமை

மறப்பதென்றால் மறுஜென்மம் வேண்டுமய்யா

விண்ணிலிருந்து கண்ணீரை தாருங்கள்

விடுதலையாய் மீண்டும் வாருங்கள்

மண்ணிலிருந்து மரமாய் நிமிருங்கள்

தமிழருக்கு வரமாய் வாருங்கள்

தமிழினம்....

தவித்துக் கிடக்கிறது

தனித்துக் கிடக்கிறது

செய்வதறியாது

செத்துக்கிடக்கிறது

சேர்ந்தியங்க யாருமில்லை

சேர்ந்தழவே நாதியில்லை

செய்வதற்கு நிறைய உண்டு

செய்வதற்கு யாருண்டு

நெஞ்சை நிமிர்த்திடு மனிதா

நீதி கிடைத்திடும் ஒருநாள்

சத்தியமாய் வாழடா தமிழா

சமத்துவம் வந்திடும் திருநாள்

வாழ்த்துவோம்

வணங்குவோம்

வழிபடுவோம்

வழிசமைப்போம்

நட்புடன்,

அ.பகீரதன்

காதலியின் கல்லறை (பகுதி 2)

கல்லூரிப் பெண்ணுக்கு

கல்லறையில் என்னவேலை?

கல்யாணப் பெண்ணுக்கு

கல்லறைமீது என்ன காதல்?

கர்ப்பமல்லோ தரிக்க வேணும்-ஏன்

கல்லறையை தரிசித்தாய்?

தேனிலவல்லோ போக வேணும்-ஏன்

தேய்நிலவாய் ஆனாய்?

என்னில் வீழ்வதென்று

விண்ணில் வீழ்ந்தாயோ?

என்னை வெல்வதென்று

இயமனிடம் தோற்றாயோ?

நான் இரவல் வாங்கியதால்

இயங்க மறுத்ததோ உன்னிதயம்-என்

கவிதைகளை இரசிப்பதற்கா

கல்லறையில் தூங்குகிறாய்

காதல் வலித்ததென்றா

கல்லறையை நீ தேர்வு செய்தாய்

இந்தச் சில்லறையின் சேட்டையாலா

அந்தக் கல்லறையில் ஓய்வுபெற்றாய்

அப்படியே நிலைத்திருக்கு

அழகான நினைவெனக்கு

கண்ணீர் துளியோடு

கடைசியாக நீ சென்றகாட்சி

மந்திரமாய் புன்னகைத்து-என்னுள்

தந்திரமாய் வந்தவளே

விருந்துண்ணும் வயதினிலே

மருந்துண்ட மர்மமென்ன?

இரட்டைப் பின்னலிட்டு

இயல்பான முகம் அமைந்து

பாடசாலை போறபெண்ணே

பாடையிலே போறெதென்ன?

பள்ளிச் சிறுமியடி-என்

பருவத்துச் சிறுக்கியடி

அள்ளி அணைக்குமுன்னே

கொள்ளி அணைச்சதென்ன?

தொடும்தூரம் நின்றுகொண்டே

தொலைபேசியில் வருபவளே

தொலைதூரம் சென்றுவிட்டு

தொலைபேசியை எங்குவிட்டாய்?

முத்தங்கள் தந்ததில்லை-நீ

முந்தானை விரித்ததில்லை-என்னுள்

எப்படிநீ கலந்தாயோ-ஏன்

கல்லறையில் வீழ்ந்தாயோ?

அடைந்துவிட நானிருக்க-நீ

அடங்கிவிட்ட கொடுமையென்ன?

சேர்ந்திடவே நாளிருக்க

சேர்ந்துவிட்ட சேதியென்ன?

சுண்ணக்கல் வேண்டாம்-என்கண்மணிக்கு

சுடுகாடும் வேண்டாம்

இதயத்தில் இருப்பவளை-என்

இல்லத்தில் வைத்திடுங்கள்

மலர்வளையம் வேண்டாம்-என்கண்மனிக்கு

மந்திரமும் வேண்டாம்

என்எண்ணத்தில் இருப்பவளை

என்னிடத்தில் தந்திடுங்கள்

கல்லறையில் உறங்குகிறோம்

உயிரோடு நானும் உயிரில்லாமல் நீயும்

உன்னோடு வாழத்தான் முடியவில்லை

ஒன்றாய் சாகமுடிகிறதா பார்ப்போம்

வாடிக்கிடக்கிறேன் உன்பூந்தோட்டத்தில்

நானும் ஒரு பூவாய்-அவை

வாடி விழுகின்றன சோகத்தில்-நான்

விழுந்து வாடுகிறேன் மரணத்தில்

உங்கள் நேரத்திற்கு நன்றி.

நட்புடன்,

அ.பகீரதன்