குதிரை குதிரை- நாம
பந்தயக் குதிரை நண்பா
உயிரை பணயம் வைச்சா
உயர்ந்திடலாம் நண்பா
எழுவோம் எழுவோம் -நாம
எழுந்துகிட்டா ஏறுமுகம் நண்பா
மனிதம் வென்று வாழ்ந்து
வளர்ந்திடுவோம் நண்பா
அணுவாய் விழுந்தோம்
உயிராய் எழுந்தோம்
விறகாய் விழுந்தால்
நெருப்பாய் எழுவோம்
தனியாய் நிமிர்ந்தோம்
சிறகாய் விரிந்தோம்
எருவாய் தாழ்ந்தால்
நீறாய் உயர்வோம்
விழுந்தாய் மீண்டும் எழுந்தாய்-புது
விதியை நீயும் வரைந்துவிடு
மீண்டும் விழுவாய் எழுவாய்-அதை
அறிவால் மனதால் உணர்ந்துவிடு
அறிவாய் நீயின்றே அறிவாய்
அறிவால் நீயும் ஜெயித்துவிடு
அழிவாய் ஒருநாள்நீயும் அழிவாய்
அறிந்து நீதிவழி நடந்துவிடு
மனமே உனக்கு தலைவன்
மதித்து துதித்து தொண்டாற்று
அறிவே உனக்கு தளபதி
அறிந்து அணுகிஅதை உண்டாக்கு
வளர்வாய் அறிவால்
தளிர்வாய் மனசால்
புதிதாய் உருவாகு
புதியதலைமுறையை உருவாக்கு
பணத்தை உழைத்து
பலமாய் உருவாகு
உருவாகி உயர்வாகி
பத்துப்பேரை உருவாக்கு
நிலையாமைதான் வாழ்க்கை
நில்லாமால் ஓடு நண்பா
அறியாமைதான் வாழ்க்கை
அறிந்திடப் பாரு நண்பா
நன்றி.
அ.பகீரதன்
No comments:
Post a Comment