கற்றுக் கொண்டவை

என்னவென்று நான் சொல்ல

சீழ்பிடித்த இவ்உலகை வெல்ல

எல்லையில்லா வாழ்வை வெல்ல

தொல்லையில்லா என்னவழியை சொல்ல

சுயநலமாய் மனிதரெல்லாம் ஓடுகிறார்

சுயவிளம்பரத்தை தனதாக்க நாடுகிறார்

சுயபுத்தியாலே உன்வாழ்வை ஓட்டப்பாரு

சுரண்டுகின்ற உலகைவென்று ஓடப்பாரு

பாலுக்குள்ளே நீரைக்கலக்கும் காலம்மாறி

நீருக்குள்ளே பாலைக்கலக்கும் காலமாச்சு

பாருக்குள்ளே உறவுகூட காசாச்சு

பாசம்கூட ரொம்ப தொலைவாச்சு

காந்திமொழி யாருக்குப் புரியுதப்பா

காசுவழி நீபோனா புரியுமப்பா

கார்ல்மாக்ஸை விடாப்பிடியா தொடர்ந்தாங்க

காணிநிலம்வீடு சீதனமா கேட்கிறாங்க

நாமிருக்கும் பூமிரொம்ப டேஞ்சரப்பா

எல்லாமனசுக்குள்ளும் பேராசையெனும் கான்சரப்பா

நல்லவனை கண்டுரொம்ப நாளப்பா

நல்லவனாய் கொஞ்சக்காலம் வாழனப்பா

ஐந்துமுறை முதல்வரானார் நம்பாஷையாலே

ஐந்தறிவு ஜீவனானர் தன்ஆசையாலே

முடவனென்ன முதல்வரென்ன மனிதனொன்று

முடியும்வரை போராடு நேர்மைநின்று

நெடுந்தூரம் செல்ல வேணாம்

நேர்வழியில் மெல்ல நட

தொடும்தூரம் தொலைவில் இல்லை

தொடர்ந்து நடை போடு

குடிசையிலும் கோபுரமாய் வாழலாம்

குணமுள்ள மனிதனுக்குஇது நிகழலாம்

ஞானியல்ல யோகியல்ல நாங்களப்பா

நாடறிந்து நடப்பறிந்து வாழுங்கப்பா

சுயநலமாய் வாழ்வதிலே நன்மையுண்டு

கொஞ்சம் பொதுநலத்தை சேர்த்துவாழனப்பா

திறந்தவெளி சிறைச்சாலையிலே நம்மவாழ்க்கை

சிறந்தவழி வேறிருந்தா எனக்கும்சொல்லனப்பா

உங்கள் நேரத்திற்கு நன்றி.

நட்புடன்,

அ.பகீரதன்