சுதந்திர தினம்

தேசியக்கொடியை முகர்ந்தேன்

தேசியக்கீதத்தை இசைத்தேன்

தேசமே உயிரிலும் மேலேன

தெருவிலே விழுந்து புரண்டேன்

உலகே ஊரென்றானபின்

தேசமென்பது தேவைதானா?

பறக்கமனிதன் கற்றுக்கொள்ள

பரந்தவெளிக்கு எல்லையென்ன?

பிறப்பிலும் பெரிது சுதந்திரமே

பிறநாட்டில் அது நிரந்தரமே

பிறப்பின் பயனே சுதந்திரமே

பிறந்தநாட்டில் அதை வாங்கணுமே

வீடே சிறையென்றானபின்

வீதியில் எங்கே சுதந்திரம்

நாடே சிறையென்றானபின்

நமக்கு எதற்கு சுதந்திரம்

நீதித்துறையே தெய்வமடா

காவல்துறையே கடவுளடா

இவை ஆள்பவர் கையானால்

அங்கே சுதந்திரம் பொய்யாகும்

கோயில்கள் யாவும் சுதந்திரமாய்

கொள்ளையடிக்கிறார் தந்திரமாய்

பார்வையில் எல்லாம் சுதந்திரமாய்

பாடாய்படுத்துகிறார் யந்திரமாய்

மாதவியின் சுதந்திரமா

கோவலனின் சுதந்திரமா

பாண்டியனின் சுதந்திரமா

அக்கோவலனை வீழ்த்தியது?

துப்பாக்கியின் சுதந்திரமா

துர்ப்பாக்கிய சூழ்நிலையா

துஸ்டர்களின் சூழ்ச்சியா

எம்காவலரை தாழ்த்தியது?

சுதந்திரம் கேட்ட மனிதருக்கு

சுடலை காட்டிய என்மண்ணே

விடுதலை கேட்ட மனிதருக்கு

தலையை ஒடித்த கொடுமையென்ன?

இலங்கை யாப்பில் சரக்கிருக்கா?

சரத்திற்கே அங்கே சரத்தில்லை

சனத்திற்கு எங்கே சரத்திருக்கும்?

சரத்திற்கு சிறை

கருணாவிற்கு அரியாசனம்

சுதந்திரத்தாயே உனக்கு போதையாடி?

உங்கள் நேரத்திற்கு நன்றி.

நட்புடன்,

அ.பகீரதன்