எழுதக்கூடாத ஒன்றை
எழுத வைத்துவிட்டாள்
என் காதலி
ஈகோவில் பிரிந்துபோனாய்-ஒரு
ஈகூட இங்கு இல்லை(கல்லறையில்)
யாரோடு கதைத்துவிட்டு-எனை
வேரோடு வீழ்த்திவிட்டாய்
மிஸ்கோல் விடுகிறவள்
மிஸ்ஸாகி கிடக்கிறாள்
என்மிஸ்சாக வேண்டியவள்
ஏன்மிஸ்சாக வேண்டுமய்யோ
என் இதயத்தில் வீழ்வதென்று
நீ இடம் மாறி சுடுகாட்டில் வீழ்ந்தாயோ?
என் உயிருக்குள் வரும்வேளை-உஷ்ணமாகி
உன் உயிரை சிதைத்தாயோ?
உன் விளக்கை ஏற்றி வைத்து-பாதகி
என் விளக்கை அணைத்துவிட்டாய்
என்ன அவசரத்தில்
ஏற்றி வைத்தாய் அவ்விளக்கை
இக் கலியுகத்தில்
எரிந்தபடி கழிகிறது என்வாழ்க்கை
பள்ளிச் சிறுமியடி-என்
பாவாடை தேவதைநீ
பாடையிலே போகையிலே-மனசு
பத்தி எரியுதடி
கண்ணகியின் தங்கையடி-என்
கவிதைகளின் அங்கமடி
உன்முகத்தை மூடுகையில்
என்உசிரு போகுதடி
நிலாவில் தனித்திருந்து
நித்தமும் கதைபேசி-என்மனதில்
சுத்தமாய் குடிகொண்ட-என்சித்திரமே
நிலவுக்கே நீ சென்ற மர்ம என்ன?
வயசுக்கு வந்து ஓராண்டில்-என்
வாழ்வுக்குள் வந்தவளே-பெரிய
வயதாகிப் போய்ச்சுதாடி-ஏன்
சாவுக்குள் வீழ்ந்துகெட்டாய்
பச்சை மரத்தாணிபோல-என்
இளமைக்குள் வந்தவளே-என்னை
கொச்சைப் படுத்தவென்றா
கொடிநஞ்சை அருந்திவிட்டாய்
செத்துத் தொலைந்தாவது
சேர்ந்திடுவேன் உன்னோடு
சொர்க்கத்தில் நீயிருப்பாய்-அங்கே
யார்விடுவார் இப்பாவியை?
இறந்தும் உயிரோடு
வாழ்கிறாய் என்னில்
உயிரோடு இருந்தும்
இறந்து கிடக்கிறேன் உன்னில்
வந்துவிடு என்னோடு
வாழ்ந்திடுவோம் ஃபண்ணோடு-அல்லது
கலந்திடுவேன் உன்னோடு
வீழ்ந்திடுவேன் மண்ணோடு
உங்கள் நேரத்திற்கு நன்றி.
நட்புடன்,
அ.பகீரதன்
No comments:
Post a Comment